Warning: mysqli_query(): (HY000/1194): Table 'hk_wfHits' is marked as crashed and should be repaired in /home/mysites/repo/himalkhabar/himalkhabar/wp-includes/wp-db.php on line 2056

WordPress database error: [Table 'hk_wfHits' is marked as crashed and should be repaired]
SELECT MAX(attackLogTime) FROM hk_wfHits


Warning: mysqli_num_fields() expects parameter 1 to be mysqli_result, boolean given in /home/mysites/repo/himalkhabar/himalkhabar/wp-includes/wp-db.php on line 3403
हरिशरणम् ! - Himalkhabar.com

व्यक्तित्वसोमबार, आषाढ ३०, २०७१

हरिशरणम् !

हिमालखबर

तस्वीरः देवकी विष्ट/हिमालखबर

रेडियो नाटकमा लक्ष्मीको थेगो ‘हरिशरणम्’ धेरैको जिब्रोमा झुन्डिएको छ । हुन पनि, उनी रेडियो नेपालको कृषि कार्यक्रममा ४८ वर्षदेखि निरन्तर बूढीआमैको भूमिकामा छिन् र निरन्तर आनन्दित भइरहेकी छन् । यो कामप्रतिको रुचि, समर्पण र आनन्दले उनको जाँगर कत्ति पनि घटेको छैन । जीवनको ५५ वर्ष नाटकमा बिताएकी लक्ष्मी भन्छिन्, “यसबीचमा दर्जनौं फिल्म र टेलिफिल्ममा पनि काम गरें, बढी आनन्द चाहिं रेडियो नाटक मार्फत श्रोतालाई सूचनासँगै मनोरञ्जन दिंदा आउँछ ।”

उनले नेपाली चलचित्रहरू सोल्टिनी, लक्ष्मीपूजा र सिलु का साथै तितोसत्य, पल्लोघरको झयाल, मेरी बास्सै, हिजोआजका कुरा लगायत दुई दर्जन भन्दा धेरै टेलिफिल्ममा अभिनय गरेकी छन् ।

२०२३ मंसीरदेखि कृषि कार्यक्रममा बूढीआमै भएर प्रसारण हुन थालेकी लक्ष्मीले आफ्नो रुचिको क्षेत्रमा टिक्न जीवनमा पारिवारक खुशी र घरबार जस्ता पक्षको बलि चढाउनुपरेको छ । २०२८ सालको कुरा, रेडियो नाटक युनिट सिंहदरबारस्थित रेडियो नेपालबाट हरिहर भवन सरेपछि कार्यक्रम रेकर्ड गर्न समस्या प¥यो । मान्छेको आउजाउ भएको वेला रेकर्ड गर्दा आवाज र प्रतिध्वनिले बिगार्ने हुनाले रात कुर्नुपथ्र्यो । सुनसान समयमा कोठाको भित्तामा सुकुल टाँगेर कार्यक्रम रेकर्ड गर्दागर्दै आधारात हुन्थ्यो । यसरी घर–कार्यालय गर्ने क्रममा समाज र परिवारबाट अवगाल स्वीकार्नु उनका लागि दालभात जस्तै बनेको थियो ।

अर्को वर्ष कसैले घरमा ‘तिम्रो छोरी त केटासँग अँगालो मारेर बसेकी थिई’ भनेर कुरा लगाइदिएछ । त्यही समयमा रेडियो नाटकमा ‘ए भुन्टेकी आमा भात पकाइस् ?’ भन्ने सम्वाद आयो । त्यसपछि समाजमा ‘रेडियोमा झुटो कुरा बज्दैन, लक्ष्मी बच्चा जन्माएर पनि माइतैमा बसेकी छे’ भन्ने टीकाटिप्पणी शुरू भयो । “अनि आमा र दाजुले पिटेर घरबाट निकालिदिनुभयो”, लक्ष्मी भन्छिन्, “लामो समय माइतीमा बसी भने सम्पत्ति दिनुपर्छ भन्ने डर पनि थियो ।”
यसरी परिवार र आफन्तप्रति सधैंका लागि उनको मन कुँडियो । २०६६ सालमा वरिष्ठ कृषि सूचना अधिकृतबाट अवकाश पाएकी उनी दर्शकको मायाले गर्दा रेडियो कार्यक्रमबाट बाहिरिन सकेकी छैनन् । नाटककी यी बूढीआमा वास्तविक जीवनमा भने कसैकी आमा वा हजुरआमा बनिनन्– विवाह नगरेकीले ।

खेती सिकाउने आमै

गाउँठाउँको हावापानी र माटो सुहाउँदो खेतीको कुरा रेडियोबाट सिक्ने श्रोताको माया–प्रतिक्रियाले आफूलाई यो क्षेत्रमा बाँच्न सिकाएको लक्ष्मी बताउँछिन् । हुन पनि ४८ वर्षदेखि एउटै फम्र्याटमा कार्यक्रम प्रस्तुत गर्दा पनि उनी उत्तिकै लोकप्रिय र खुशी छिन् । पछिल्लो समय युवा पलायनले खेतीयोग्य जमीन बाँझे भएकोप्रति निकै चिन्तित उनी भन्छिन्, “हिजो स्वच्छ हावापानीमा विषादी रहित तरकारी खाएकाले अझ्ै दर्शकमाझ् मजाले बोल्न सकिरहेकी छु, आजका पिंढीले त कति गर्लान् र !”

रेडियोमा बूढीआमै बनेरै उनले गोरखा दक्षिणबाहु, नवदेवी सम्मान, उत्कृष्ट कर्मचारी पुरस्कार लगायत २५ वटा पुरस्कार–सम्मान पाएकी छन् । मृत्युपछि ती पुरस्कार–सम्मानहरू आफूसँगै सकिने अवस्था रहेकाले तिनलाई संग्रहालयमा राखिदिने व्यवस्था गर्नुपर्ने उनको इच्छा छ ।
मीना शर्मा

साप्ताहिक खबरपत्रिका हिमालबाट

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>