नेपाल विज्ञान तथा प्रविधि प्रज्ञा प्रतिष्ठान (नाष्ट)द्वारा आयोजित तीन दिने सम्मेलनमा नेपाल, भारत, चीन, बङ्गलादेश, पाकिस्तान, जापान, कोरियालगायत देशका एक हजारभन्दा बढी वैज्ञानिक तथा प्रविधिको सहभागिता छ ।

नाष्टको संयोजनमा हरेक चार÷चार वर्षमा हुँदै आइरहेको सो सम्मेलनमा ५४२ वटा कार्यपत्र तथा सहभागी देशका विशिष्ट वैज्ञानिकले प्रवचन दिनेछन् । साथै पछिल्लो समय विकसित नयाँ प्रविधिबारे पनि सहभागीबीच अनुभव आदानप्रदान हुनेछ ।

प्रधानमन्त्री डा बाबुराम भट्टराईले सम्मेलनको शुभारम्भ गर्दै विकासोन्मुख देशले विज्ञान तथा प्रविधिमा भइरहेकोे विकासको अधिकतम उपोग गर्नुपर्ने धारणा व्यक्त गरे । उनले भने, “यसका लागि सरकारले विज्ञान तथा प्रविधिका क्षेत्रमा लगानी बढाएको छ ।”

नाष्टका कुलपतिसमेत रहेका प्रधानमन्त्री डा भट्टराईले वैज्ञानिक तथा प्राविधिकको प्रतिभा पलायन रोक्न सरकारले वैज्ञानिकको प्रोत्साहनका लागि थप कार्यक्रमहरु ल्याइने जानकारी दिनुभयो ।

नेपालमा हाल विभिन्न क्षेत्रमा ४४ हजार वैज्ञानिक तथा प्राविधिकहरु रहेका छन् । तीमध्ये कति विदेशमा पलायन भए भन्ने यकिन छैन । रासस

प्रतिकृया दिनुहोस