वीरगञ्ज उद्योग वाणिज्य संघका पदाधिकारी र निजी बोर्डिङ स्कूलका संचालकलाई धम्काउने व्यक्तिलाई प्रहरीले पक्राउ गरेको हो । फोन गरेर धम्की सहित रकम माग्ने वीरगञ्ज पिपराटोल–१७ का महेश पटेललाई प्रहरीले २१ साउन राति पक्राउ गरेको हो ।

उनलाई सिर्सिया ड्राइपोर्ट नजिकबाट पक्राउ गरेको पर्सा प्रहरीले जनाएको छ । उनको साथबाट प्रहरीले एक थान राइफल र त्यसमा लाग्ने पाँच राउण्ड गोली पनि बरामद गरेको छ ।

विभिन्न भूमिगत समूहमा सलंग्न रहेका उनी २०६५ सालमा पक्राउ परेका थिए । हातहतियार तथा खरखजाना मुद्दामा तीन वर्ष जेल बसेर छुटे पछि उनले उद्योगीलाई धम्की दिएर रकम असुल्ने गरेको खुलेको प्रहरीको भनाइ छ ।

बिम्मी शर्मा, वीरगञ्ज

प्रतिकृया दिनुहोस