थप समाचारसोमबार, साउन २६, २०७१
भदौ अन्तिममा प्रधानमन्त्री अमेरिका जाँदै
लामो समय अमेरिकाको न्यूयोर्कमा उपचार गराएर स्वदेश फर्किएका प्रधानमन्त्री कोइराला पुनः स्वास्थ्य परीक्षण गराउन त्यहाँ जान लागेका हुन् । स्वास्थ्य परीक्षणका लागि संयुक्त राष्ट्रसंघको ६९ औं महासभामा भाग लिने निर्धारित समयभन्दा १० दिन अघि नै कोइराला न्यूयोर्क जान लागेको २६ साउनको कान्तिपुरले लेखेको छ ।
उनले १० असोजमा संयुक्त राष्ट्रसंघको महासभालाई संबोधन गर्ने कार्यक्रम तय भएको छ । कान्तिपुरका अनुसार प्रधानमन्त्रीको स्वास्थ्य कमजोर भएकाले पहिले नै स्वास्थ्य परीक्षण गर्ने र संबोधनपछि ‘फलोअप’ गराएर फर्कने तयारी भएको छ ।
अमेरिकाको न्यूयोर्कस्थित मेमोरियल सोलान केटरिङ क्यान्सर सेन्टरमा क्यान्सरको उपचार गराएर प्रधानमन्त्री कोइराला ६ साउनमा स्वदेश फर्किएका थिए । उनी उपचारका लागि २ असारमा अमेरिका गएका थिए ।