शब्द/तस्वीरः देबकी बिष्ट

उपचारको क्रममा दिल्लीमा निधन भएका अभिनेता श्रेष्ठको शव त्रिभुवन अन्तर्राष्ट्रिय विमानस्थलमा ल्याउनु अघि नै काठमाडौंका सडकमा उनका शुभेच्छुकको भीड लाग्न थालिसकेको थियो । श्रेष्ठका प्रशंसक पशुपति आर्यघाट, कमलादीस्थित प्रज्ञा भवन, पुतलीसडक, माइतिघर, नयाँवानेश्वर, विमानस्थलमा श्रद्धाञ्जलीका लागि उभिएका थिए ।

नयाँदिल्लीस्थित गंगाराम अस्पतालमा उपचारको क्रममा २४ साउन राति निधन भएका श्रेष्ठको शव एयर इन्डियाको विशेष विमानबाट २६ साउन अपरान्ह काठमाडौं ल्याइएको थियो । काठमाडौंमा शव ल्याइएपछि विमानस्थलबाट शवयात्रा शुरु भएको थियो ।

विमानस्थल, सिनामंगल, नयाँवानेश्वर, माइतिघर, पुतलीसडक हुँदै प्रज्ञा भवनमा पुगेपछि उनको शव अन्तिम श्रद्धाञ्जलीका लागि राखिएको थियो । श्रद्धाञ्जली पछि २६ साउनकै साँझ उनको शव दाहसंस्कारका लागि पशुपति आर्यघाटतर्फ लगिदैं छ ।

शवयात्रामा उनका शुभचिन्तक, चलचित्रकर्मी, नेता देखि सर्वसाधारण सहभागी छन् । उनको सम्मानमा राष्ट्रिय झण्डा ओढाइने र प्रहरीले अन्तिम सलामी दिने गृह मन्त्रालयले जनाएको छ । सरकारले पहिलोपटक कलाकारलाई यस्तो सम्मान दिन लागेको हो ।

सम्बन्धित समाचार

अभिनेता श्रीकृष्ण श्रेष्ठको शव प्रज्ञा प्रतिष्ठानमा

अभिनेता श्रेष्ठप्रति सरकारको श्रद्धाञ्जली

अभिनेता श्रीकृष्ण श्रेष्ठको निधन

प्रतिकृया दिनुहोस