थप समाचारशुक्रबार, साउन ३०, २०७१
राप्तिमा पानी खतराको तहभन्दा ३ मिटर माथि, थुप्रै वस्तीहरु डुवानमा
बाँकेको कुसुमस्थित बाढी मापन केन्द्रका अनुसार, नदीको जलस्तर दिउँसो १ बजे ८ मिटर ७७ सेमि पुगेको छ । नदीमा पानीको सतह ५ मिटर ४० सेमि पुग्यो भने खतराको चिह्नमा पुगेको मानिन्छ ।
जलस्तर बढेर नदी क्षेत्रका टेपरी, पिप्रहवा, होलिया, बेतहनी, लक्ष्मणपुर, नरैनापुर, फत्तेपुरलगायतका गाउँमा बाढी पसेको जिल्ला दैवीप्रकोप उद्धार समितिले जनाएको छ ।
नदी क्षेत्रअन्तर्गत अति जोखिममा रहेको होलिया गाउँ बढी प्रभावित भएको सहायक प्रजिअ गन्जबहादुर एमसीले जानकारी गराए । उनका अनुसार होलियाका सबै जनता घर छाडेर सुरक्षित स्थानतर्फ लागेका छन् ।
“त्यहाँका नागरिक अहिले ज्यान बचाउन चिच्याइरहेका अवस्थामा छन्, उद्धारका लागि सेना र प्रहरी परिचालन गरिएको छ ”, एमसीले भने ।
राप्ती नदीको बाढीले गाउँ क्षेत्र डुबानमा परेपछि स्थानीय प्रशासन कार्यालयले कस्टर समूहअन्तर्गतको उद्धार समूह, राहत समूह र स्वास्थ्य समूहलाई नेपालगन्ज तथा सम्भावित डुबान प्रभावित गाउँ क्षेत्रमा परिचालन गरेको छ ।
भारतले बाँके जिल्लाको नेपाल–भारत सीमा नजिक अन्तर्राष्ट्रिय कानून विपरीत भारतीय क्षेत्रमा निर्माण गरेको लक्ष्मणपुर बाँध र तटबन्धका कारण राप्ती नदीको प्राकृतिक बहाव रोकिन गई बाँके जिल्लाको राप्तीपारी नेपाली भूमिका आधा दर्जनभन्दा बढी गाविसका नागरिक प्रत्येक वर्ष बाढी तथा डुबानको जोखिम मोल्न बाध्य छन् ।
पूर्वपश्चिम राजमार्ग अवरुद्ध
बाँकेको खासकुश्मा नजिकै पहिरो जाँदा पूर्व—पश्चिम राजमार्ग ३० साउन बिहानैदेखि अवरुद्ध भएको छ भने राजमार्गमै शमशेरगञ्जजनिकै कल्भर्ट भत्किएको छ । राजमार्गको कुसुम क्षेत्रमा सडकमै रूख ढलेका छन् ।
सडक अवरुद्ध हुँदा दर्जनौं गाडी सडकमै रोकिएका छन् । पहिरो खुलाउन नेपालगञ्जबाट प्राविधिकको टोली डोजरसहित घटनास्थलतर्फ पठाइएको जिल्ला प्रहरी कार्यालयले जनाएको छ ।
उता रत्नराजमार्गको नेपालगञ्ज—सुर्खेत खण्डमा पनि विभिन्न ठाउँमा गएको पहिरोका कारण सडक अवरुद्ध रहेको प्रहरीले जनाएको छ ।
पूर्वपश्चिम राजमार्ग अवरुद्धबाँकेको खासकुश्मा नजिकै पहिरो जाँदा पूर्व—पश्चिम राजमार्ग ३० साउन बिहानैदेखि अवरुद्ध भएको छ भने राजमार्गमै शमशेरगञ्जजनिकै कल्भर्ट भत्किएको छ ।
राजमार्गको कुसुम क्षेत्रमा सडकमै रूख ढलेका छन् । सडक अवरुद्ध हुँदा दर्जनौं गाडी सडकमै रोकिएका छन् । पहिरो खुलाउन नेपालगञ्जबाट प्राविधिकको टोली डोजरसहित घटनास्थलतर्फ पठाइएको जिल्ला प्रहरी कार्यालयले जनाएको छ ।
उता रत्नराजमार्गको नेपालगञ्ज—सुर्खेत खण्डमा पनि विभिन्न ठाउँमा गएको पहिरोका कारण सडक अवरुद्ध रहेको प्रहरीले जनाएको छ ।