–देब पचभैया, पाल्पा

नेपाल–अंग्रेज युद्धमा विजयी भएको सम्झनामा पाल्पाको तानसेनमा २ भदौमा सिन्दुर जात्रा गरिएको छ । पाल्पाको तानसेनमा विजय उत्सव मनाइने श्री ७ रणउजिरेश्वरी भगवतीको सिन्दुर जात्रा धुमधामसँग मनाइएको हो ।

तानसेनस्थित भगवतीटोलमा रहेको भगवती मन्दिरबाट निकालिएको भगवतीको रथलाई तानसेनको विभिन्न स्थानमा परिक्रमा गराइ मन्दिरमा भित्राइएको थियो । तत्कालीन प्रशासक कर्णेल उजिरसिहं थापाले मनाउन शुरु गरेको जात्रा हरेक वर्ष मनाइने गरिन्छ ।

युद्धमा जानु अघि उजिरसिंह थापाले विजय हासिल गरेमा मन्दिर बनाएर प्रत्येक वर्ष विजयको सिन्दुर जात्रा गर्ने भाकल अनुसार विजयी भइ जात्रा मनाउने गरिएको विश्वास गरिन्छ । वि.सं. १८७६ देखि निरन्तर रुपमा जात्रा मनाउन थालिएको हो ।

बुटवलको जितगढी लगायतको क्षेत्रमा विजय हासिल गरेपछि रणउजिरेश्वरी भगवती जात्रा मनाउन थालिएको थियो ।

जात्रा हेर्न पाल्पासहित गुल्मी, स्याङ्गजा, पोखरा, बुटवल, अर्घाखाँचीलगायतका ठाउँबाट सर्वसाधारण आएका थिए । यो पश्चिम क्षेत्रकै ठूलो रथयात्रा हो ।

तस्वीरहरुः देब पचभैया

प्रतिकृया दिनुहोस