थप समाचारबिहीबार, भाद्र ५, २०७१
तीनदिने महिला सम्मेलन राजधानीमा शुरु
“मानवताका लागि महिला सशक्तिकरण : व्यवहारमा उतारौं” भन्ने सन्देशसहित ५ भदौदेखि ‘राष्ट्रिय महिला सम्मेलन’ शुरु भएको हो । सम्मेलनको राष्ट्रपति डा. रामवरण यावदले उदघाटन गरे ।
चीनको बेइजिङमा भएको संयुक्त राष्ट्रसङ्घीय चौथो महिला सम्मेलनको बीसौं वर्षगाँठको अवसरमा तीनदिने महिला सम्मेलन आयोजना गरिएको बेइजिङ पुनरावलोकनका लागि राष्ट्रिय सञ्जालकी संयोजक बन्दना राणाले जानकारी दिइन् ।
ललितपुरको स्टाफ कलेजमा तीनदिनसम्म चल्ने महिला सम्मेलनमा ७५ जिल्लाका ३०० भन्दा बढी महिला अधिकारकर्मी सहभागी छन् ।
सम्मेलनमा लामो समयदेखि महिला आन्दोलनमा योगदान पुर्याउने महिला अधिकारकर्मीलाई सम्मानित गरिएको छ । सम्मानित हुनेमा अंगुरबाबा जोशी, डा. मीना आचार्य र तुला राणा छन् ।
महिला सम्मेलनले नेपालको महिला आन्दोलनमा हालसम्म भएका उपलब्धि र आगामी दिनको मुद्दा र मार्गदर्शनसहितको काठमाडौँ घोषणापत्र सार्वजनिक गर्ने सञ्जालकी संयोजक राणाले जानकारी दिइन् ।
देबकी बिष्ट, ललितपुर