रमझममंगलबार, भाद्र १०, २०७१
खुश्बु मिश्र ‘मिस नेपाल युएसए–२०१४’
अमेरिकी राज्य ओहियोमा बस्ने खुश्बु मिश्रले १४ जना प्रतिस्पर्धीलाइ उछिन्दै ‘मिस नेपाल युएसए २०१४’ को उपाधिसँगै ५ हजार अमेरिकी डलर र नेपाल जाने दुईतर्फी हवाइ टिकट प्राप्त गरिन् ।
क्यालिफोर्नियाकी सुष्मा शर्मा फस्ट रनर अप र म्यासाचुसेट्सकी सुष्मा अधिकारीले सेकेण्ड रनर अप को उपाधि जित्न सफल भए । उनिहरुले क्रमशः ३ हजार र २ हजार अमेरिकी डलर पुरस्कार प्राप्त गरेका छन् ।
इप्लानेट नेपालले अमेरिकाको इभेन्ट प्लानेट इन्कको सहकार्यमा गरेको प्रतियोगिता मिस नेपाल युएसएको चौथो संस्करणको अन्तिम प्रतिस्पर्धा स्थानीय समयअनुसार सोमबार बिहान २ बजे अमेरिकाको न्युयोर्कस्थित क्विनस थिएटरमा सम्पन्न भएको थियो ।
निर्णायक मण्डलमा मोडल मेटी मार्टिनेज, डा. उपेन्द्रलाल कर्ण, गिता खत्री, सन्नी गिल र सोनम लामा थिए ।
कार्यक्रम पूर्व मिस नेपाल मलिना जोशीले संचालन गरेकी थिइन् ।
एनआरएन अध्यक्ष शेष घले विशिष्ट अतिथि तथा अमेरिकाका लागि नेपाली राजदुत दुर्गा प्रसाद भट्टराईको प्रमुख आतिथ्यमा सम्पन्न कार्यक्रममा सेभेन समिट वुमन एक्सपिडिसनका सात आरोही महिला पनि सहभागी थिए ।
ङिमा पाख्रिन , न्युयोर्क