थप समाचारबुधबार, भाद्र ११, २०७१
बर्दियाका बाढी पीडितलाई राहत रकम
विभिन्न संस्थाहरुबाट ‘सहयोगी हातहरु’ ले संकलन गरेको राहत रकम रु. ४ लाख १७ हजार ८ सय ६१ रुपैयाँ र जिन्सी समाग्री बर्दियाका बाढी पीडितहरुलाई ११ भदौमा पीडितहरुलाई हस्तान्तरण गरिएको छ ।
साउनको अन्तिम साता गएको बाढीले पिडीत बनेका बर्दिया पदनहा वडा न ७ र ८ का वासिन्दाका लागि संकलित उक्त रकममध्ये अमेरिका बस्ने माला महत र उनका श्रीमान कृष्ण लामिछानेले संकलन गरेको १ लाख ६० हजार ३ सय ५६, ललितपुका वैदेशिक रोजगार व्यवसायीहरुबाट १ लाख ३५ हजार र लायन्स क्लव अफ मिर्मिरे काठमाण्डौ, काठमाण्डौ हार्डवेयर सामाखुशी र शिखा हार्ड वेयरले संयुक्त रुपमा १ लाख २ हजार ५ सय रुपैयाँ प्रदान गरेका हुन् ।
यसै गरी राष्ट्रिय फोटो पत्रकार समूह र ‘केही गरौ न’ अभियानले न्यूरोडबाट संकलन गरेको ४ बोरा नयाँ कपडा समेत पीडितहरुलाई हस्तान्तरण गरिएको छ ।
देवकी बिष्ट