थप समाचारबिहीबार, भाद्र १२, २०७१
पहिरोको उच्च जोखिममा भुजुङ्गे गाउँ
-प्रेमनारायण आचार्य, अर्घाखाँची
अर्घाखाँचीको सन्धिखर्क नगरपालिका–९ खाँचीकोट भुजुङ्गेमा जमिन भासिएपछि पहिरोको जोखिम बढेको हो । दलित समुदायको बस्ति रहेको भुजुङ्गेमा वर्षासँगै जमिन भासिन थालेपछि त्रास बढेको छ ।
स्थानीय डम्बरबहादुर नेपालले जुनै पनि बेला पहिरो जाने खतरा रहे पनि प्रशासनले कुनै चासो नदिएको बताए । “ठूलो पानी पर्ने डरले रातभर जाग्राम बस्ने गरेका छौं,” उलने भने, “मनमा शान्ति छैन, डर मात्रै छ ।”
जमिन भासिएपछि अधिका.श घर चर्किएका छन् । सिंगो बस्ती भएको डाँडो नै भासिएको हो ।
जिल्ला प्रशासन कार्यालयमा २६ पुस २०७० मै बसेको बैठकले जोखिमयुक्त क्षेत्रका नागरिकलार्य वैकल्पिक ठाउँमा सुरक्षित रुपमा सार्ने निर्णय गरेको थियो । तर, नगरपालिकाले अहिलेसम्म कुनै चासो नदिएको स्थानीयको गुनासो छ ।
सन्धिखर्क नगरपालिका–९ का वडा सचिव रमेश न्यौपानेले वडाभित्र सार्वजनिक ठाउँ नहुँदा बस्ति सार्न समस्या परेको बताए ।
भुजुङ्गेका तीन ठाउँमा सयदेखि २५० मिटर लम्बाइ र २०–३० मिटर चौडाइका पहिरो गएको छ । साना चार वटा पहिरो पनि खसेको स्थानीयले बताएका छन् ।