थप समाचारशुक्रबार, भाद्र १३, २०७१
तीनकुनेको अवरोध हटाइयो, यातायात सुचारु
आफ्ना मागहरु पूरा नभएको भन्दै ट्रिपर ब्यवसायीले सडकमै गाडी तेर्स्याएर अवरुद्ध पारेको बानेश्व-कोटेश्वर सडक प्रहरीले खुलाएको छ । प्रहरीले सडकमा रहेका गाडीहरु क्रेनको सहयाताले हटाएर बाटो खुलाएको हो ।
अवरोध हटाएपछि बिहानैदेखि रोकिएको तीनकुने–विमानस्थल–कोटेश्वर सडक खण्डको यातायात सुचारु भएको छ ।
———————————————————————
ट्रिपर व्यवसायीद्वारा राजधानीमा चक्काजाम
ट्रिपर व्यवसायीले आफ्ना माग पुरा नगरेको भन्दै काठमाडौंको तीनकुने क्षेत्रमा सडकमा गाडी तेर्स्याएर यातायात अवरुद्ध पारेका छन्।
सरकारले नयाँ मापदण्ड लागु गर्दा क्रसर उद्योग बन्द भएको र आफूहरु बेरोजगार भएको भन्दै ट्रिपर व्यवसायीले काठमाडौंको तीनकुनेमा बीच सडकमा गाडी राखेर चक्काजाम गरेका छन्।
सरकारले नदी–खोलाबाट बालुवा, गिट्टी, ढुगा उत्खनन्मा रोक लगाएपछि आफूहरुको रोजगारी गुमेको र व्यवसाय धरापमा परेको उनीहरुले बताउँदै आएका छन्। उनीहरुले तीनकुनेक्षेत्रमा करिब सयवटा ट्रिपर ट्रक तेर्स्याएका छन् ।
तीनकुनेमा सडक अवरुद्ध गर्दा नयाँवानेश्वर–त्रिभुवन विमानस्थल र कोटेश्वरमा सवारी आवागमन हुन सकेको छैन । तीनकुने बन्दको प्रभावले गौशालादेखि माइतिघरसम्म प्रभाव पारेको छ ।
प्रहरीले सडक खुलाउने प्रयास भइरहेको जनाएको छ ।