प्रहरी महानिरीक्षक उपेन्द्रकान्त अर्यालले नेपाल प्रहरीकातर्फबाट दैवी प्रकोप उद्धार कोषलाई रु २ करोड १ लाख ११ हजार १११ को चेक हस्तान्तरण गरेका छन् ।

प्रधानमन्त्री निवास बालुवाटारमा १८ भदौमा आयोजित राहत हस्तान्तरण कार्यक्रममा प्रधानमन्त्री सुशील कोइरालालाई अर्यालले उक्त चेक हस्तान्तरण गरेका हुन् ।

नेपाल प्रहरीले हवल्दारसम्मका प्रहरीबाट आधा दिनको, कनिष्ठ प्रहरी अधिकृतबाट एक दिनको र वरिष्ठ प्रहरी अधिकृतबाट दुई दिनको तलब कट्टागरी सो रकम सङ्कलन गरेको हो ।

प्रधानमन्त्री कोइरालाले दैवी प्रकोप उद्धार र राहत वितरणका साथै राहत सङ्कलनमा नेपाल प्रहरीले गरेको कामको सराहना गर्दै भने, “आफ्नो पेट काटेर पनि विपद्मा परेकालाई सहयोग गर्ने सहृदयीलाई म धन्यवाद दिन्छु ।”

प्रतिकृया दिनुहोस