खेलकुदआइतबार, भाद्र २२, २०७१
नेपालले उज्वेकिस्तानलाई रोक्यो
एएफसी यु–१६ च्याम्पियनसिपको पहिलो खेलमा नेपालले उज्वेकिस्तानलाई एक–एक गोलको बराबरीमा रोकेको हो । थाइल्याण्डको मुवाङथोङ स्टेडियममा २२ भदौमा भएको खेलमा नेपालका किरन सुनार नायक बने ।
हार्नै लागेको खेलमा सुनारले अतिरिक्त समयको अन्तिम मिनेटमा गोल गरेपछि नेपालले उज्वेकिस्तानलाई अंक बाड्न बाध्य पार्यो । उनले डिबक्स नजिकैबाट गरेको प्रहार गोलमा परिणत भयो ।
प्रतियोगिताको सबैभन्दा बलियो मानिएको उज्वेकिस्तानले ५३ औं मिनेटमा पेनाल्टिबाट अग्रता लिएको थियो ।
तस्वीर साभारः गोलनेपालडटकम
समूह ‘सी’मा रहेको नेपालले २४ भदौमा उत्तर कोरिया र २६ भदौमा कुबेतसँग भिड्ने छ । समूहको शीर्ष दुई स्थानमा रहे नेपाल नकआउट चरणमा पुग्ने छ ।
प्रतियोगिताको समिफाइनल पुग्ने टोलीले अर्को वर्ष चिलीमा हुने यु–१७ विश्वकपमा एशियाको प्रतिनिधित्व गर्नेछन् ।
प्रतिकृया दिनुहोस
ताजा अपडेट
हिमालखबर जनमत
Loading ...
