थप समाचारबिहीबार, आश्विन २, २०७१
विवाद मिलाउने जिम्मा पुनः बाबुरामकै समितिलाई
संविधानसभामा चार दिनसम्म एक सय ५१ सभासदले धारणा राखेपछि २ असोजको बैठकबाट सभामुख सुवास नेम्वाङले संवैधानिक राजनीतिक सम्वाद तथा सहमति समितिलाई विवाद विषयमा सहमति जुटाउनका लागि म्याद थप गरेका हुन् ।
सभामुखले विवादित विषयमा सहमति जुटाउन १४ असोजसम्मका लागि समय थप गरेको सभासद पाँचकर्ण (पीके) राईले बताए ।
२६ भदौमा सहमति जुटेका र नजुटेका विषय समेटेर भट्टराईले संविधानसभामा प्रतिवेदन पेश गरेका थिए । पुनः भट्टराईकै समितिमा गएको प्रतिवेदनमा सहमति जुट्न नसके प्रकृयाबाट टुंगो लगाइने सभामुख नेम्वाङले बताए । त्यसका लागि प्रश्नावली समेत तयार पार्न सभामुखले निर्देशन दिएको सभासद राईले बताए ।
संविधानसभामा राज्य पुनःसंरचना, शासकीय स्वरुप, न्याय प्रणाली, निर्वाचन प्रणालीलगायतका विषयमा दलहरुबीच सहमति जुट्न सकेको छैन ।