पोखरा विश्वविद्यालयमा करारमा कार्यरत ९५ जना प्राध्यापक र ६ जना कर्मचारीलाई परिषद्को बैठकले अवकाश दिने निर्णय गरेपछि आक्रोशित प्राध्यापक र कर्मचारीहरुले ५ असोजमा विश्वविद्यालयको डिन, उपकुलपति र स्कुल अफ विजनेस कार्यालयका फर्निचर, कार्यालयका सिसा र गमलाहरु तोडफोड गरेका छन् ।

आन्दोलित प्राध्यापक र कर्मचारीहरुले रजिष्ट्रार मानबहादुर केसी, कार्यकारी सदस्यहरु ईन्द्र तिवारी र ज्ञानेश्वर शर्मालाई घेराबन्दीमा पारेर तुरुन्त म्याद थप्न र प्रक्रिया पुर्‍याएर स्थायी गर्न दबाब दिएका छन् ।

आन्दोलित प्राध्यापक योगराज लामिछानेले पूर्व सूचना बिना दशैँको मुखमा एक्कासि लामो समयसम्म कार्यरत प्राध्यापकहरुलाई हटाएकामा विरोधमा उत्रनुपरेको बताए ।

आन्दोलनको समर्थनमा विद्यार्थीहरुको पनि समर्थन प्राप्त भएको बताउँदै उनले परिषद्को बैठकको निर्णय नसच्चाएसम्म आन्दोलन जारी राख्ने जानकारी दिए ।

प्रतिकृया दिनुहोस