शब्द/तस्वीरः बुद्धवीर बाहिङ, सोलुखुम्बु

नाम्चेस्थित क्याङजुमा हुँदै सगरमाथाको आधारशिविर हिडेका भारतीय पर्यटकहरु क्याङजुमाबाट सगरमाथा हेर्दै ।

असोज महीनाको शुरुवातसँगै सगरमाथा क्षेत्रमा पर्यटकहरुको चहलपहल शुरु भएको हो । पर्यटकीय क्षेत्रहरु लुक्ला, फाक्दिङ, जोरसल्ले, नाम्चे, ठमो, थामे, खुम्जुङ ग्रीनभ्याली, फोर्चे, मछेर्मो, गोक्यो, ठाङनाक, जोङला, स्याङबोचे, पाङबोचे, दिङबुचे, फेरिचे, छुकुङ, लबुचे र गोरक्सेपमा पर्यटकहरुको चाप बढ्न थालेको बुद्ध लज गोरक्सेपका पेम्बा शेर्पाले बताए ।

खुम्जुङस्थित दिङबुचे हुँदै सगरमाथा क्षेत्रको भ्रमणमा हिडेका विदेशी पर्यटकहरु ।

पर्यटकीय सिजनको सबैभन्दा उत्तम सिजन मानिएको अक्टोबर सिजनमा सगरमाथा क्षेत्रमा सबैभन्दा बढी पर्यटकहरु आउने गरेका छन् ।

सगरमाथा क्षेत्रको भ्रमणमा जाने क्रममा पाङबोचेमा विश्राम लिँदै पर्यटकहरु ।

अहिले काठमाडौंबाट तेञ्जिङ हिलारी विमानस्थल लुक्लामा दैनिक २०० देखि २५० जनासम्म पर्यटकहरु सगरमाथा क्षेत्रको भ्रमणमा जाने गरेका छन् ।

चौंरीखर्कस्थित जोरसल्लेमा थकाई मार्दै पर्यटकहरु ।

यस्तै, दोलखाको जिरी हुँदै दैनिक १० देखि १५ जना पर्यटकहरु पैदल हिडेर सगरमाथा क्षेत्रको भ्रमणमा जाने गरेको स्थानीय होटल व्यवसायीको भनाइ छ ।

सगरमाथा राष्ट्रिय निकुञ्जको चेकपोष्ट चौंरीखर्कस्थित मञ्जोमा पर्यटकहरु सगरमाथा क्षेत्र जानका लागि नाम, ठेगाना र देश दर्ता गर्दै पर्यटकहरु ।

प्रतिकृया दिनुहोस