स्थानीय बजारमा दुई सय रुपैयाँ प्रतिकिलो पर्ने छुर्पी अमेरिका निर्यात हुन थालेपछि पाँच सय रुपैयाँ पुगेको छ । यो बर्ष मात्रै पा“चथर, ताप्लेजुङ, इलाम र धनकुटाबाट १२ करोड बढीको छुर्पी अमेरिका पुगेको छ ।

“नेपालमा उत्पादित छुर्पी अमेरिकामा कुकुरका लागि उपयुक्त आहार हुँदोरहेछ, त्यही भएर अमेरिका निर्यात बढेको हो”, छुर्पी सङ्कलक रूपनारायण दाहालले भने । उनका अनुसार काठमाडौँको मनराम हिमालय एन्डिग्राफमार्फत छुर्पी अमेरिका पुग्छन् ।

दाहाल भन्छन्, “मागअनुसार पु-याउन सकिएको छैन, बर्षेनि छ लाख किलोभन्दा धेरै माग छ । पूर्वका दुई सय भन्दा बढी डेरी उद्योग र लेकाली क्षेत्रका चौँरी गोठबाट कम्पनीले छुर्पी सङ्कलन गर्न थालेको छ ।

यता, धनुषामा दुधबाट बार्षिक पाँच करोड बराबरको कारोबर भएको छ । स्थानीय डेरी उद्योगको कारोबारले यो तथ्याङ्क देखाएको जिल्ला पशु कार्यालय धनुषाले जनाएको छ ।

प्रतिकृया दिनुहोस