एशियाडमा पदक पाएपछि कस्तो प्रतिक्रिया पाउनुभयो ?

एशियाडमा नेपाललाई पदकविहीन हुनबाट जोगाउन पाउँदा एकदम खुशी लागेको छ । साथीभाइ र मान्यजनहरुले पनि धेरै नै खुशी व्यक्त गर्नुभएको छ ।

तपाइँको खेल जीवनमा यसले कस्तो प्रभाव पार्छ ?

काँस्य पदक जितेर मात्र हँुदैन, अब स्वर्ण पदक जित्नुपर्छ भन्ने लागेको छ । त्यसका लागि झन् मिहिनेत गर्नुपर्छ । अब मेरो ध्यान त्यतै केन्द्रित हुनेछ ।

छनोट समितिले नामै नराखेको अवस्थामा के आधारमा तयारीमा लाग्नुभएको थियो ?

गुरु धु्रव मल्लले मलाई ट्रेनिङ दिनुभएको हो । एशियाडमा औपचारिक रुपमा भाग लिएकी चञ्चला दनुवार छनोट चरणमा मसँग पराजित भएकी थिइन् । त्यसैले, मेरा गुरु ध्रुव मल्लले तिमीले नै खेल्नुपर्छ भनेर मलाई हौसला दिनुभयो, म तयारीमा लाग्नुको कारण पनि त्यही हो ।

के गर्ने हो भने नेपाली खेलाडीले अन्तर्राष्ट्रिय प्रतियोगितामा राम्रो प्रदर्शन गर्न सक्लान् भन्ने लाग्छ ?

एशियाडमा जानेबारे जसरी विवाद भयो, त्यसले नराम्रो सन्देश गएको छ । यस्तो विवादले खेलाडीको मनोबल कमजोर बनाउँछ । त्यसकारण खेलाडीको मनोबल बढाउन सरकार र सरोकारवाला निकाय लाग्नुपर्छ । त्यसो हुँदामात्र खेलाडीले प्रतियोगितामा राम्रो प्रदर्शन गर्न सक्छन् ।

जितेर आएपछि मोडलिङ र विज्ञापनमा कत्तिको अफर आएको छ ?

त्यस्तो अफर आए पनि म स्वीकार्दिन । मेरो ध्यान खेलकूदमै केन्द्रित हुनेछ । खेलकूदको माध्यमबाट देशलाई अन्तर्राष्ट्रिय रुपमा परिचित गराउनु मेरो मूल ध्येय हुनेछ ।

साप्ताहिक खबरपत्रिका हिमालबाट

प्रतिकृया दिनुहोस