धनुषाको लग्मा गेढागुठी–९ का १६ वर्षीय राजुकुमार साह २० केजी चाँदीसहित जिल्लाको नगराइनबाट पक्राउ परेका छन् ।

२९ असोज साँझ नगराइन–३ बाट ना ३ प ७३० नम्बरको मोटरसाईकलमा चाँदी बोकेर भारततर्फ जाँदै गर्दा साहलाई पक्राउ गरिएको सशस्त्र प्रहरी सीम सुरक्षा कार्यालय धनुषाले जनाएको छ ।

प्लाष्टिकको ब्यागभित्र चाँदीको २० केजी मसिनो दाना थैलोमा राखिएको अवस्थामा पक्राउ परेको हो ।

अनुमानित रु १३ लाख बराबरको चाँदीसहित साह र उनी चढेको मोटरसाईकल राजश्व अनुसन्धान कार्यालय पथलैया पठाएको प्रहरीले जनाएको छ ।

साहले जनकपुरका प्रदीपले दिएको चाँदी भारत जयनगरको एक व्यापारीसम्म पुर्‍याउन जान लागेको प्रहरीलाई बयान दिएका छन् ।

इश्वरचन्द्र झा, जनकपुर

प्रतिकृया दिनुहोस