२ कात्तिक मध्याह्न करिब सवा १२ बजे मोरङको हरैचा–९ की २१ बर्षीया हेमन्ती मगरकोे धरानको घण्टाघरबाट खसेर घटनास्थलमै मृत्यु भएको छ ।

मृतक मगरको ३० असोजमा मात्रै २९ बर्षीय टोमबहादुर मगरसँग विवाह भएको थियो ।

उनले आत्महत्या गरेकी हुन् कि कसैले खसाएको हो भन्नै यकिन नभएको प्रहरीले जनाएको छ । उनी घण्टाघरको सबैभन्दा माथिल्लो तला (करिब ५२ फिट) माथिबाट खसेको प्रारम्भिक अनुसन्धानबाट खुलेको छ ।

घटना प्रकृतिले मृतक घण्टाघरको उत्तर पटिको मोहडातर्फबाट खसेको देखिएको छ ।

घटनाका बखत मृतकका पति टोमबहादुर घण्टाघर परिसरमै भए पनि उनी माथिल्लो तलामा थिए कि थिएनन् भन्ने खुलिसकेको छैन ।

घटनाबारे प्रारम्भिक अनुसन्धान मात्रै शुरु भएकाले घटना कसरी भयो भन्ने बारे अहिल्यै केही भन्न नसकिने इलाका प्रहरी कार्यालयका प्रहरी निरीक्षक मुकुन्द रिजालले बताए ।

उनका अनुसार मृतकका पतिसहित घटनाको समयमा सबैभन्दा माथिल्लो तलामा रहेकी एक युवती र २ युवालाई पनि सोधपुछको लागि प्रहरीले नियन्त्रणमा लिएको छ ।

घटनालगत्तै घण्टाघर व्यवस्थापन समितिले अर्को निर्णय नभएसम्मकोलागि घण्टाघर चढ्नमा रोक लगाएको छ । घण्टाघर परिसरमा रहेको बगैचामा
भने प्रवेश निषेध गरिएको छैन ।

सोहन श्रेष्ठ, धरान

प्रतिकृया दिनुहोस