थप समाचारसोमबार, कार्तिक ३, २०७१
महिनावारी भएकालाई हिड्न छुट्टै बाटो
उनले त्यहाँ चलिआएको मान्यता अनुसार नयाँ बाटो हिडेकी थिइन् । उनी मात्र नभएर महिनावारी भएका कसैले पनि मूल बाटो हिड्न पाउँदैनन् । त्यहाँ महिनावारी भएका महिलाले मूल बाटो छल्नुपर्ने परम्परा रहेको जुकोट गाविसका लेखा सहायक करवीर शाहीले बताए ।
छाउपडी प्रथा कायमै रहेको बाजुरामा महिनावारी भएकाहरुले पाँच दिनसम्म छुट्टै गोठमा बस्ने, सात दिनसम्म पानी नछुने, गोरस नखाने, घ्यू नखाने गर्छन् । तर, यो गाउँमा भने मूल बाटो समेत हिड्न नहुने प्रचलन कायम छ ।
उक्त गाविसमा यो प्रथा अनुसार नै सरकारी बजेट पनि खर्च गरिएको छ । शाहीका अनुसार गत आर्थिक वर्षको सरकारी बजेट महिनावारी भएकालाई हिड्न छुट्टै बाटो निर्माणमा खर्च गरियो ।
उनीहरुले लक्षित वर्गका लागि आएको बजेटबाट बाटो खनेका छन् । स्थानीय राजनीतिक संयन्त्रकै सहमतिमा बाटो निर्माण गरिएको हो ।
-रासस