नवलपरासीको जर्गाहास्थित सामुदायिक वनबाट सेनाले रुख काटेर लैजाने गरेका हुन् । प्रस्तावित कोटहीदेवी सामुदायिक वन उपभोक्ता समूहले संरक्षण गर्दै आएको वन क्षेत्रबाट सिसौका रुख काटेर सेनाले लैजान गरेको स्थानीयको भनाइ छ ।

सेनाले सिसौका रुख काटेर लैजादै गरेको अवस्थामा ३ कात्तिक राति स्थानीयले काठ पक्राउ गरेका छन् । सिपाहीले सिसौका रुख काटेर गाडीमा लैजादै गर्दा पक्राउ गरेको वन समुहका सचिव राजु चापागाईले जानकारी दिए ।

स्थानीयबासिन्दाले पक्राउ गरेको सेनाको सवारी साधन र काठ । तस्वीरः विद्रोही गिरी

उनले पक्राउ गरेको काठ र सवारी वन कार्यालय बडेरालाई बुझाएको बताए । ब्रजदल गणका सेनाले आफ्नै गाडीमा सिसौका गोलिया ल्याएका थिए । वन क्षेत्र भित्रै सेनाको वेस क्याम्प भएकाले उनीहरुले मनपरी रुख काट्ने गरेका हुन् ।

यसअघि, माओवादी लडाकुको अस्थायी शिविर हुँदा पनि मनपरी रुख कटान हुने गरेको स्थानीयको भनाइ छ ।

पक्राउ परेको सेनाको गाडी माथिल्लो तहमा बुझाउने तयारी भइरहेको जिल्ला वन अधिकृत (डीएफओ) दुर्गा कार्कीले जानकारी दिए ।

विद्रोही गिरी, नवलपरासी

प्रतिकृया दिनुहोस