दैलेखको नारायण नगरपालिका–४ स्थित विनिखोलामा ४ कात्तिक दिउँसो जीप दुर्घटना हुँदा तीन जनाको मृत्यु भएको हो । १५ जना घाइते छन् ।

मृत्यु हुनेमा जीप चालक दैलेख नौमुलेका करविर ढेगा र बालुवारका बालक प्रशान्त थापा छन् । एक जनाको भने नाम नखुलेको प्रहरीले जनाएको छ ।

दैलेख सदरमुकामदेखि नौमुले जाँदै गरेको भे १ ज ५६० नम्बरको मुस्ताङ म्याक्स जीप दुर्घटना भएको हो । जीपमा ब्रेक नलागेपछि भित्तामा ठोक्किएर सडकभन्दा १२० मिटर तल खसेको प्रहरीले जनाएको छ ।

घाइतेहरुलाई उपचारका लागि दैलेख अस्पताल पठाइएको छ । घाइतेमध्ये धेरैको अवस्था गम्भीर रहेको दैलेख प्रहरी प्रमुख डीएसपी माधवप्रसाद श्रेष्ठले जानकारी दिए ।

प्रतिकृया दिनुहोस