क्वालालाम्पुरस्थित किनरा एकेडेमीमा ६ कात्तिकमा भएको खेलमा टस जितेर पहिला ब्याटिङको निम्तो पाएको युगाण्डाले निर्धारित ५० ओभरमा २०३ रन बनाएको थियो।

जवाफी ब्याटिङमा उत्रिएको नेपालले ५० ओभरमा ७ विकेट गुमाएर १८३ मात्र बनायन सक्यो ।

नेपालका लागि कप्तान पारस खड्काले ३ विकेट लिएका थिए। उनले १० ओभरमा ३४ रन दिएका थिए। त्यस्तै सोमपाल कामीले २ र वसन्त रेग्मीले २–२ विकेट लिएका थिए ।

नेपाली ब्याट्म्यानहरूमा नरेश बुढा ऐरले सर्वाधिक ६२ रनको योगदान दिए। यस्तै सुवास खकुरेल, शरद भेसवार र सागर पुनले समान २२(२२ रन बनाए ।

प्रतियोगितामा नेपालसहित मलेशिया, बर्मुडा, सिंगापुर, अमेरिका र युगान्डा सहभागी छन्।

राउन्ड रोबिन आधारमा सञ्चालन हुने प्रतियोगिताका शीर्ष दुई टोली डिभिजन–२ मा प्रवेश गर्नेछन्।

डिभिजन–२ आगामी जनवरीमा नामिबियामा हुँदैछ।

यो प्रतियोगिताको शीर्ष दुईमा रहनेले आईसीसी इन्टर कन्टिनेन्टल कप र पेप्सी आईसीसी वल्र्ड क्रिकेट लिग च्याम्पियनसिप खेल्ने छन्।

——————————————————————————————————————————————

युगान्डाविरुद्ध नेपाललाई २०४ रनको लक्ष्य

आईसीसी विश्व क्रिकेट लिग डिभिजन ३ मा नेपालले युगान्डाविरुद्ध २०४ रनको लक्ष्य पाएको छ ।

आईसीसी विश्व क्रिकेट लिग डिभिजन ३ अन्तर्गत आफ्नो पहिलो खेलमा नेपालले युगान्डाको सामना गरिरहेको छ । मलेशियाको किन्रारा एकेडेमी ओभल मैदानमा युगान्डाले पुरै ओभर खेल्दै ८ विकेटको क्षतिमा २०३ रन बनायो ।

टस जितेर फिल्डिङ रोजेको नेपालले शुरुवातामा राम्रो प्रदर्शन गरे पनि कायम राख्न सकेन । युगान्डाका मुकोबेले ८४ र मसाबाले ५१ रन जोडे ।

नेपाली कप्तान पारस खड्काले ३ विकेट लिए । दश ओभर बलिङ गरेका उनले ३ मेडन राख्दै ३४ रन दिए ।

वसन्त रेग्मी र सोमपाल कामीले २–२ विकेट लिए । सागर पुनले १ विकेट झारे ।

प्रतिकृया दिनुहोस