क्वालालाम्पुरस्थित सेलेङ्गर मैदानमा नेपालले २ विकेट गुमाउँदै निर्धारित १०१ रनको लक्ष्य ११.१ ओभरमा पूरा गरी बर्मूडालाई सजिलै हराएको छ ।

टस जितेर पहिले ब्याटिङ गरेको बर्मूडाले ४०।१ ओभरमा सबै विकेट गुमाउँदै १०० रनमात्र बनाउन सकेको थियो ।

नेपालका लागि विनोद भण्डारीले ४३, सुवास खकुरेलले ३० र नरेश बुढाऐर ६ रन बनाए । कप्तान पारस खड्का १४ रनमा ‘नटआउट’ रहे।

६ कात्तिकमा भएको प्रतियोगिताको पहिलो खेलमा नेपाल युगान्डासँग २० रनले पराजित भएको थियो।

प्रतियोगितामा नेपालसहित मलेशिया, बर्मुडा, सिंगापुर, अमेरिका र युगान्डा सहभागी छन्।

राउन्ड रोबिन आधारमा सञ्चालन हुने प्रतियोगिताका शीर्ष दुई टोली डिभिजन–२ मा प्रवेश गर्नेछन्।

डिभिजन–२ आगामी जनवरीमा नामिबियामा हुँदैछ।

यो प्रतियोगिताको शीर्ष दुईमा रहनेले आईसीसी इन्टर कन्टिनेन्टल कप र पेप्सी आईसीसी वल्र्ड क्रिकेट लिग च्याम्पियनसिप खेल्ने छन्।

—————————————————————————————

प्रतिकृया दिनुहोस