न्युजिल्याण्डमा राष्ट्रिय झण्डा परिवर्तनका लागि सन् २०१५ र २०१६ मा गरी दुईपटक जनमतसंग्रह हुने भएको छ ।

प्रधानमन्त्री जोन कीले स्वतन्त्र र आधुनिक देशको छवी निर्माणका लागि झण्डा परिवर्तन गर्नुपर्ने बताएका छन् ।

प्रधानमन्त्रीले नयाँ राष्ट्रिय झण्डा कालो पृष्ठभूमिमा चाँदी रंगको फर्नको प्वाँख देखिने हुनुपर्ने समेत बताएका छन् ।

झण्डा परिवर्तनका लागि सन् २०१५ मा हुने जनमतसंग्रहमा समितिले प्रस्ताव गरेका झण्डाका विभिन्न डिजाइनमा जनताले आफ्नो सुझाव दिनेछन् । त्यसपछि सन् २०१६ मा अहिलेको डिजाइन र नयाँ डिजाइनको छनोटका लागि जनतासँग सुझाव मागिनेछ ।

यो वर्षको शुरुआतमै प्रधानमन्त्रीले जनमत संग्रह गराउनुपर्नेमा जोड दिंदै न्युजिल्याण्डको विद्यमान झण्डा औपनिवेशिक र उत्तर–औपनिवेशिक शासनको प्रतिक भएको बताएका थिए ।

न्युजिल्याण्ड र अष्ट्रेलियाका वर्तमान झण्डामा बेलायतको राष्ट्रिय झण्डा ‘युनियन ज्याक’ बनेको छ । कुनै बेला अष्ट्रेलिया र न्युजिल्याण्ड बेलायतको उपनिवेश थिए ।

प्रतिकृया दिनुहोस