थप समाचारसोमबार, कार्तिक १७, २०७१
गाँजासहित ६ पक्राउ
सन्तोष रुचाल, धनकुटा
भरततर्फ लैजाँदै गरेको अवस्थामा धनकुटा प्रहरीले ठूलो परिमाणको गाँजासहित ओसारपसारमा संलग्न ६ जनालाई पक्राउ गरेको छ । भ्यानमा राखेर गाँजा लगिरहेको अवस्थामा १६ कात्तिक राति ६ जनालाई पक्राउ गरेको प्रहरीले जनाएको छ ।
उनीहरुलाई धनकुटाको मूलघाटबाट ९८ किलो गाँजासहित पक्राउ गरिएको हो । गाँजा ओसार्न प्रयोग गरिएको को १ त ७९३१ नम्बरको निजी भ्यान र चालक समेतलाई नियन्त्रणमा लिएको जिल्ला प्रहरी धनकुटाका प्रहरी नायव उपरीक्षक ध्रुवराज राउतले जानकारी दिए ।
भ्यानबाट गाँजा भारतको जोगबनीतर्फ लैजाँदै गरिएको प्रहरीको भनाइ छ । गाँजा तस्करीमा संलग्न थप व्यक्तिको पनि खोजि भइरहेको राउतले बताए ।
प्रहरीले पक्राउ गर्नेको नाम भने सार्वजनिक गरेको छैन ।