थप समाचारमंगलबार, कार्तिक १८, २०७१
महाकाली नदीमा हराएको ट्याक्टर भेटियो
दार्चुलाको अपी नगरपालिका–१३ किम्तडीका स्थानीय कृष्णराज जोशीले खलङ्गातर्फ आउने क्रममा नदीमा ट्याक्टरका पाटपुर्जा देखेपछि प्रहरीलाई खबर गरेका हुन् ।
अनपा–१३ बाट ढुङ्गा ल्याएर सदरमुकामतर्फ आउने क्रममा से१त ४५१३ नम्बरको ट्याक्टर अनपा–१३ किम्तडीको भिरबाट ४ असारमा महाकाली नदीमा खसेको थियो ।
त्यसबेला नदीमा पानीको बहाव अत्यधिक रहेकाले ट्याक्टर फेला पार्न सकेको थिएन । ट्याक्टर नदीमा खस्दा ट्याक्टरधनी बाजुरा दोगाडी– ४ का ५० वर्षीय इन्द्रबहादुर बुढा तथा अनपा–१३ का १५ वर्षीय शेरसिंह ठगुन्ना बेपत्ता भएका थिए ।
बेपत्ता भएकाको अवस्था भने अहिलेसम्म अज्ञात छ ।
ट्याक्टरमा सवार अनपा–१३ का हिरादेवी ठगुन्ना तथा चालक बाजुरा दोगाडी–४ का टेकबहादुर बुढा हामफालेर बाँच्न सफल भएका थिए ।
ट्याक्टरमा बढी लोड भएकाले ओरालो सडकमा ब्रेक फेल हुँदा इन्जिन चुँडिएर अगाडिको भाग नदीमा खसेको थियो ।
रासस