थप समाचारमंगलबार, कार्तिक २५, २०७१
जग्गा नदिएको निहुँमा प्रेमिकाले प्रेमीलाई जलाइन्
२४ कात्तिक राति नेपालगञ्ज–६ का ४८ वर्षीय सुरेन्द्र शुक्लालाई उनकी प्रेमिकाले जलाउँदा गम्भीर घाइते भएका छन् ।
घाइते शुक्लाको भेरी अञ्चल अस्पताल नेपालगञ्जमा उपचार भैरहेको छ । उनको ३३ प्रतिशत शरीर जलेको अस्पताल स्रोतले जानकारी दिएको छ ।
शुक्लाकी प्रेमिका निलम सोनारलाई बाँके प्रहरीले नियन्त्रणमा लिई अनुसन्धान गरिरहेको प्रहरी नायव उपरीक्षक सुशिलसिंह राठौरले जानकारी दिए ।
विगत १ बर्ष देखि प्रेममा रहेका सोनार र शुक्ला बेलाबेला सोनारकै घरमा सँगै बस्दै आएका थिए ।
रिक्सा मजदुर शुक्लाको नाममा रहेको जमीन आफनो नाममा पास गरिदिनका लागि सोनारले बेलाबेलामा दबाब दिने गरेको शुक्लाले बताएका छन् ।
घटना भएको रात पनि जमिन पास गरिदन दबाब दिई राति १२ बजे एउटै कोठामा सुत्न गई मट्टितेल छर्किएर आगो लगाएको पीडित शुक्लाले बताएका छन् ।
केशव राना, बाँके