रामेश्वर बोहरा

तस्बीरः डि भण्डारी/युएइ

हङकङलाई हराउँदै समूह बीको विजेता  बन्न सफल नेपालले सेमिफाइनलमा समूह एको उपविजेता मलेसियासँग २४ असोजमा प्रतिस्पर्धा गर्नेछ ।

२३ असोजमा भएको खेलमा अमृत भट्टराई र बसन्त रेग्मीले तीन/तीन विकेट लिए । पारस खड्काले दुई र शक्ति गौचनले एक विकेट झारेका थिए ।

नेपालद्वारा हङकङसामु २२६ रनको लक्ष्य प्रस्तुत

युएईमा जारी एसीसी ट्रफी एलिट कप क्रिकेटको समूह चरणको अन्तिम खेलमा नेपालले हङकङलाई २२६ रनको चुनौति दिएको छ । सेमिफाइनल पुग्न जित अपरिहार्य भएको खेलमा नेपालले बलियो टिम हङकङ विरुद्ध मध्यम स्कोरमात्रै खडा गर्न सक्यो ।

टस जितेर ब्याटिङ् रोजेको नेपालले ५० ओवरमा ७ विकेट गुमाउँदै २२५ रन बनायो । नेपालका लागि कप्तान पारस खड्काले ६१ रन बनाए । त्यस्तै अनिल मण्डल ३७, बसन्त रेग्मी ३१, ज्ञानेन्द्र मल्ल २८ र प्रदीप ऐरीले २५ रन बनाए।

ओपनर सुवास खकुरेललाई दोस्रो बलमै गुमाएको नेपाली टिमको इनिङलाई त्यसपछि ज्ञानेन्द्र मल्ल र अनिल मण्डलले सम्हालेका थिए । त्यसैगरी कप्तान पारस खड्का र बसन्त रेग्मीको ५७ रनको साझेदारीले नेपाललाई सम्मानजनक स्कोरमा पुर्यायो ।
हङकङका तनबिर अफ्जल र निजाकत खानले दुइ दुइ विकेट लिए । नेपालले आजको खेलमा तीब्र गतिका बलर अमृत भट्टराइलाई लिएर खेलेको छ ।

प्रतिकृया दिनुहोस