सरकारसँग वार्तामा रहेको भूमिगत माओवादी कम्युनिस्ट केन्द्र, नेपालले राजनीतिक वार्ता समितिका संयोजक आनन्दप्रसाद ढुङ्गानाको रोहवरमा मकवानपुर जिल्ला प्रशासन कार्यालयमा अत्याधुनिक हतियार, गोली, बारुद र सकेटबम सरकारलाई बुझाएको छ ।

पार्टीका अध्यक्ष डिएस महतले समितिका संयोजक ढुङ्गानाको रोहवरमा एसएमजी एकथान, त्यसको गोली दुईथान, माउजर तीनथान, एक नाले र दुईथाले गरी १४ वटा पेस्तोल, भरुवा बन्दूक चारथान, विभिन्न हतियारमा प्रयोग हुने ७४ थान गोली, डेटोनेटर ४१ थान, बारुद तीन केजी, सकेटबम २० वटा बुझाएका हुन् ।

यसअघि गत ५ भदौमा उक्त समूह र सरकारबीचको वार्तामा भएको सहमतिअनुसार ती हतियार बुझाइएको अध्यक्ष महतले बताए ।

प्रतिकृया दिनुहोस