थप समाचारबुधबार, मंसिर १०, २०७१
पाकिस्तानः टिभी मालिक र अभिनेत्रीलाई २६ वर्षको जेल
पाकिस्तानको गिलगित–बल्टिस्तानको आतंकवाद निरोधक अदालतले टिभी मालिक मिर शकिलुर रहमानसँगै अभिनेत्री बिना मलिकलाई २६ वर्षको जेल सजाय सुनाएको छ । जियो टिभीमा प्रशारित कार्यक्रमले मुस्लिम धर्मको भावनामा ठेस पुर्याएको ठहर गर्दै अदालतले उनीहरुलाई जेल सजाय सुनाएको अन्तर्राष्ट्रिय संचारमाध्यमले जनाएका छन् ।
बीबीसीले अदालतलाई उद्धृत गर्दै लेखेको छ, “उनीहरुको क्रियाकलापले मुस्लिम धर्मको भावनामा ठेस पुर्याएको छ, यस्तो क्रियाकलाप रोक्नका लागि कडा सजाय दिन जरुरी छ ।”
टिभीबाट प्रशारित कार्यक्रमको धार्मिक गीतमा अभिनेत्री मलिक आफ्ना श्रीमानसँगै नाचेकी थिइन् । पाकिस्तानमा धार्मिक गीतमा नाँच्नलाई ‘ईशनिन्दा’ मानिन्छ ।
अदालतले टिभी मालिक रहमानलाई १३ लाख पाकिस्तानी रकम जरिवानाको पनि फैसला सुनाएको छ ।