थप समाचारबिहीबार, मंसिर ११, २०७१
अख्तियारको डरले १०३ कर्मचारीकाे राजिनामा
सहायक वनरक्षक, फरेस्टर, सशस्त्र वनरक्षक, जमदार र नायब सुब्बासमेतले राजीनामा दिएको क्षेत्रीय वन निर्देशनालय विराटनगरले जनाएको छ । पूर्वाञ्चल क्षेत्रीय वन निर्देशनालयअन्तर्गत मोरङबाट सशस्त्र वनरक्षक २३, सहायक वनरक्षक ११, फरेस्टर चार, जमदार १२ र अन्य चारजना गरी जम्मा २६ जना कर्मचारीले राजीनामा दिएका छन् ।
सुनसरीबाट जमदार १०, सशस्त्र वनरक्षक १०, फरेस्टर दुई नायब सुब्बा एक, वनरक्षक पाँच र अन्य आठजना गरी जम्मा १८ जना कर्मचारीले अहिलेसम्ममा राजीनामा गरिसकेका छन् ।
सप्तरीमा सहायक वनरक्षक ५, सशस्त्र वनरक्षक ७, फरेस्टर एक, जमदार २ र अन्य १ जना छन् । सिराहाबाट राजीनामा दिनेमा सहायक वनरक्षक ५, सशस्त्र वनरक्षक ८ , जमदार ३ जना छन् । उदयपुरबाट फरेस्टर ६, सशस्त्र वनरक्षक १९, जमदार १९ र अन्य छजना कर्मचारीले सम्बन्धित जिल्ला वन अधिकृतलाई राजीनामा बुझाएको क्षेत्रीय वन कार्यालय विराटनगरले जनाएको छ ।
झापाबाट अहिलेसम्म राजीनामा दिनेमा फरेस्टर ३, सशस्त्र वनरक्षक १४, ड्राइभर एक र जमदार १४ जना छन् । त्यस्तै, इलामबाट जमदार ८, सशस्त्र वनरक्षक ८, फरेस्टर ५, वनरक्षक १ र अन्य ६ जना कर्मचारीले राजीनामा गरेका छन् ।
कर्मचारीले पद त्यागेपछि यी जिल्लाहरुमा वनको सुरक्षामा समस्या भएको क्षेत्रीय वन निर्देशक प्रकाशनाथ प्याकुरेलले बताए । अख्तियारले नक्कली शैक्षिक प्रमाणपत्रको छानबिन गर्न थालेपछि राजिनामा दिन थालेको अनुमान गरिएको छ ।