अर्थ/बजारशुक्रबार, मंसिर १२, २०७१
युवा रोजगारका लागि खेलकुद मन्त्रालयको यस्तो कार्यक्रम
तालिम दिने साझेदार संस्था खोज्दै मन्त्रालयले १२ मंसीरमा सूचना प्रकाशित गरेको छ । सूचना अनुसार प्रति जिल्ला ५ देखि ९ वटा संस्था छनौट गरेर तालिम सञ्चालन गर्ने भएको छ । निर्वाचना क्षेत्रका आधारमा संस्था संख्या निर्धारण गरिनेछ ।
कृषि, सीपमुलक तालिम, उद्यमशिलता र रोजगारी तथा लैंगिक हिंसा सम्बन्धी तालिम वा सचेतना कार्यक्रम सञ्चालन गर्न प्रति संस्था १ लाख ३० हजार दिने जनाएको छ । खेलकुद विकास समिति वा जिल्ला विकास समितिमार्फत सञ्चालन हुने कार्यक्रमका लागि साझेदार संस्था सरकारले दिएको अनुदानमा ४० प्रतिशत लगानी गर्नुपर्नेछ ।
मन्त्रालयले प्रतिसंस्था ३० देखि १०० युवाले तालिम पाउँने उल्लेख गरेको छ । साझेदार संस्था छनौटका लागि १३ पुससम्म आवेदन दिने समय छुट्याएको छ ।