नेपाल आर्थिक पत्रकार समाज (सेजन) ले हरेक वर्ष प्रदान गर्ने सेजन अवार्ड चार पत्रकारले पाएका छन् । सेजनको १७औं स्थापना दिवसको अवसरमा १५ मंसीरमा आयोजित कार्यक्रममा अवार्ड वितरण भएको हो ।

अवार्ड पाउनेमा सुजन ओली, राजु चौधरी, भागवत भट्टराई र हिमाल पौडेल छन् । सबै पत्रकारलाई जनही रु.२५ हजार सहित अवार्ड वितरण गरेको सेजनले जनाएको छ ।

अवार्ड वितरण समारोहमा अर्थमन्त्री रामशरण महतले आर्थिक विषयलाई केन्द्रविन्दुमा राखेर राज्यका हरेक क्रियाकलाप अगाडि बढ्नुपर्नेमा जोड दिएका छन् । उनले आर्थिक विकासमा सबै क्षेत्रको ध्यान जानुपर्नेमा जोड दिँदै जनताको आर्थिक अवस्थामा सुधार आएपछि मात्र देश समृद्धिको बाटोमा लाग्ने बताए ।

उनले भने, “हरेक नेपालीको जीवनस्तर उठाउनेतर्फ सबै क्षेत्रको ध्यान जानुपर्छ, उत्पादकत्व बढाउने क्षमतामा सुधार ल्याउनुपर्छ भन्ने चेतनास्तर विकास गर्नमा ध्यान जानुपर्छ ।”

प्रतिकृया दिनुहोस