गाँजासहित पक्राउ परेकाहरुलाई जिल्ला प्रहरी कार्यालय राजविराजमा सार्वजनिक गर्दै प्रहरी । तस्वीरः श्रवणकुमार देव

प्रहरीले कोशी नदी हुँदै डुँगामा १७० किलो गाँजा भारततर्फ लगिरहेका दुई जना भारतीय र तीन जना नेपालीलाई सप्तरीको भारदाहबाट पक्राउ गरेको छ ।

सात वटा बोरामा राखेर गाँजा भारततर्फ लगिरहेका भारदह–१ का ३४ बर्षीय इन्द्रनारायण माझी, २० बर्षीय सुभाष मण्डल र भारदह– ६ निवासी २४ बर्षीय रामेश्वर मेहता तथा भारतको सुपौलका ३२ बर्षीय उमेश साह र ३० बर्षीय रवीन्द्र्र यादवलाई १७ मंसीर राति पक्राउ गरिएको प्रहरी नायव उपरीक्षक केदार ढकालले जानकारी दिए ।

उनीहरुलाई जिल्ला प्रहरी कार्यालयको नियन्त्रणमा राखी थप अनुसन्धान अगाडि बढाइएको छ ।
श्रवणकुमार देव, सप्तरी

प्रतिकृया दिनुहोस