बिमलेश यादव

काठमाडौंस्थित कान्तिपुर कलेजमा बिबिए अध्ययनरत धनुषाको तुलसीयाही जब्दीकी रितु महासेठको छुरा प्रहार गरी हत्या गरेको आरोपमा तुलसीयाहीकै विमलेशप्रसाद यादवलाई प्रहरीले पक्राउ गरेको छ ।

काठमाडौंका विभिन्न ठाउँमा लुक्दै हिँडेका यादवलाई पक्राउ गरेको प्रहरीले २५ मंसीर बिहान हनुमानढोकामा पत्रकार सम्मेलन गरी सार्वजनिक गरेको हो ।

यादवले बयानका क्रममा आफूलाई रीतुले धोका दिएकाले पागलजस्तै भएर हत्या गरेको बताएका छन् ।

काठमाडौंमा निजी सवारी चालकको काम गर्ने यादवले महासेठ र आफूबीच ६ वर्षदेखि प्रेम परेको तर, केही महिनाअघिदेखि हाम्रो स्तर मिल्दैन भन्दै धोका दिएकाले आफू विक्षिप्त भएर हत्या गर्न पुगेको दाबी गरेका छन् ।

रितु महासेठ

पछिल्लो दुई तीनपटकको भेटमा महासेठले ‘तेरो र मेरो स्तर मिल्दैन’ भनेपछि आफूलाई बेचैन भएको र यस्तो घटना हुन पुगेको उनको दाबी छ ।

यादव करिब ५ वर्ष पहिले रीतुको घरमा ट्याक्टर चलाएका थिए ।

उनको वयान अनुसार उच्च शिक्षाका लागि रीतु काठमाडौं आउँदा यादव पनि सँगै आएका थिए ।

यादवको हातमा लागेको चोट, प्रत्यक्षदर्शीको बयान, रगत पुछेको कपडा लगायतका प्रमाणका आधारमा उनलाई नियन्त्रणमा लिएको प्रहरीले जनाएको छ ।

वयानपछि हत्यारा यादव नै भएको खुलेको प्रहरीको भनाइ छ ।

२० मंसीर दिउँसो मैतीदेवीस्थित सेतोपुल भन्दा केही तल अनामनगरतर्फ साथीसँगै बिहेभोजमा जाँदै गरेकी रीतुलाई यादवले छुरी प्रहार गरी हत्या गरेका थिए ।

प्रतिकृया दिनुहोस