नेदरल्याण्ड्सको आइजेल्सटाइन शहरमा एक प्रेमीले आफ्नी प्रेमिकासँग फरक तरिकाले विवाहको प्रस्ताव राख्ने क्रममा छिमेकीको घरको छत भत्केको छ । उनी प्रेमिकाको बेडरुमको झ्यालको सामुन्ने उभिएर फिल्मी तरिकाले गीत गाउँदै विवाहका लागि मनाउन चाहन्थे ।

यसका लागि उनले क्रेनको साहरा लिए । तर त्यो क्रेन असन्तुलित भएर छिमेकीको घरको छतमा ठोक्किन पुग्यो ।

घटनामा एउटा घरको छत भत्कियो नै हतार हतार अरु दुई घर पनि खाली गराइए ।

छिमेकीको नोक्सान भए पनि युवतीले विवाहको प्रस्ताव भने स्वीकार गरिसकेकी छन् ।

स्थानीय मिडियाको रिपोर्ट अनुसार यो प्रेमी जोडी अहिले पेरिस पुगिसकेको छ ।

उक्त घटनामा कोही पनि घाइते नभएको बताइएको छ ।

बीबीसीबाट

प्रतिकृया दिनुहोस