सप्तरीको कञ्चनपुर–८ स्थित धर्मपुरामा २ पुस दिउँसो बसले ठक्कर दिंदा सडक छेउँमा बसिरहेकी कञ्चनपुर–७ रघुनाथपुरकी १२ बर्षीया सोनिया सदाको मृत्यु भएको छ ।

नारायणगढबाट विराटनगरतर्फ जाँदै गरेको ना.४ख १७७१ नम्बरको कालिका बसले दिएको ठक्करबाट बालिकाको घट्नास्थलमै ज्यान गएको प्रत्यक्षदर्शीहरुलाई उदृत गर्दै इलाका प्रहरी कार्यालय कञ्चनपुरले जनाएको छ ।

सोनिया आफ्नी दुई बर्षीया बहिनी तथा आमा गोलिया देवीसँग सडक छेउमा घाम तापिरहेकी थिइन् ।

ठक्कर दिने बस र बसका चालकलाई इलाका प्रहरी कार्यालय कंचनपुरले नियन्त्रणमा लिएको छ ।

श्रवणकुमार देव, सप्तरी

प्रतिकृया दिनुहोस