थप समाचारबुधबार, पौष २, २०७१
यलमायामा पाकिस्तानी बालबालिकाको सम्झना
यलमाया केन्द्रमा २ पुसमा भएको भेलामा आतंकवादी आक्रमणमा मारिएका पाकिस्तानी बालबालिकाको सम्झना गरिंदै आतंकवाद विरुद्ध ऐक्यबद्धता प्रकट गरिएको छ । बाँसुरीको विरह धून बजाएर शुरु भएको कार्यक्रममा मृतकका आफन्तप्रति समवेदना प्रकट गर्दै शान्तिको कामना पनि गरियो ।
कार्यक्रममा बाँसुरीवादक जीवन आलेले विरह धून बजाएका थिए । कार्यक्रमका सहभागीहरुले हिंसाले कहिल्यै कसैको भलो नहुने भन्दै घटनाको निन्दा गरे ।
पाकिस्तानको पेशावरस्थित सेनाले सञ्चालन गरेको विद्यालयमा तालिबानी आतंकवादीले १ पुसमा गरेको आक्रमणमा परी कम्तिमा १४० जनाको मृत्यु भएको थियो । तीमध्ये १३२ जना स्कुले बालबालिका थिए ।
उक्त क्रुर र बर्बरतापूर्ण घटनाको विश्वभरमै निन्दा गरिएको छ ।