नागरिकताको अधिकारसम्बन्धी नागरिक समाज सञ्जालले नयाँ संविधानमा आमाको नामबाट नागरिकता प्रदान गर्ने अधिकार सुनिश्चित गर्न दबाब दिएको छ । आमाको नामबाट नागरिकता प्राप्त गर्ने हक सुनिश्चित हुनुपर्ने भन्दै सञ्जालले ९ पुसमा माइतीघरदेखि संविधानसभा भवन नयाँ बानेश्वरसम्म शान्तिपूर्ण र्‍याली निकालेको छ ।

सञ्जालले विभिन्न १३ जिल्लाबाट संकलन गरेको हस्ताक्षर पनि संविधानसभा अध्यक्ष सुवासचन्द्र नेम्बाङलाई बुझाएको छ । सञ्जालले नयाँ संविधानमा आमाको नामबाट नागरिकता प्राप्त गर्ने अधिकार सुनिश्चित हुनुपर्ने माग गर्दै आएको छ ।

र्‍यालीमा महिला, कानून र विकास मञ्च, माइती नेपाल, इन्सेक, जागरण नेपाल, आत्वीन, पौरखी, दलित गैरसरकारी महासंघ लगायतका संस्थाका प्रतिनिधि उपस्थित थिए ।

प्रतिकृया दिनुहोस