भारतीय टेलिभिजन शो ‘बिग बोस’ मा साताको अन्तमा कार्यक्रम होस्ट गर्न अभिनेता सलमान खानको ठाउँमा कमेडियन कपिल शर्मा आउने भएका छन् ।

१२ पुस शनिबार प्रशारण हुने कार्यक्रममा कपिल शर्मा देखिने कलर्स च्यानलले जनाएको छ । २७ डिसेम्बरमा सलमान खानले परिवारसँग जन्मदिन मनाउने कार्यक्रम भएकाले उनी अनुपस्थित रहने कलर्सले जनाएको छ ।

सलमान खानले यसअघि नै डिसेम्बर महिनाको अन्त्यदेखि आफू फिल्म ‘बजरंगी भाईजान’ को शुटिंगमा व्यस्त हुने भएकाले ‘बिग बोस’ बाट अलग्गिने बताइसकेका छन् । ‘बजरंगी भाईजान’ मा सलमानसँगै करिना कपुरको पनि मुख्य भूमिका छ ।

सलमानपछि ‘बिग बोस’ मा एक दिन कपिल शर्मा आए पनि त्यसपछि फिल्म निर्देशक एवम् कोरियोग्राफर फराह खानले शो ‘होस्ट’ गर्ने भएकी छन् ।

प्रतिकृया दिनुहोस