इन्टरनेट तस्वीर

भारतको मुम्बईबाट काठमाडौं आउँदै गरेको जेट एयरवेजको पंखामा आगलागी भएको छ । त्रिभुवन अन्तर्राष्ट्रिय विमानस्थलमा अवतरण गर्ने क्रममा १४ पुस दिउँसो १२.२० मा जेट एयरवेजमा आगलागी भएको हो ।

विमान चरासँग ठोक्किएपछि बाँयातिरको पंखामा आगो लागेको हो । विमानमा सवार सबै यात्रु भने सकुशल छन् ।

विमानस्थलबाट हिमालखबरलाई प्राप्त जानकारी अनुसार भीटीजेबीएच २६८ कलसाइन भएको जेट एयरमा अचानक आगलागी भए पनि अवतरण गर्ने क्रममा आगो निभेको थियो ।

विमानस्थल स्रोतका अनुसार विमानका चालकहरुले अवतरणका क्रममा विमानको पंखामा चरा आएर ठोक्किएको जानकारी दिएका छन् ।

आकस्मिक रुपमा सकुशल अवतरण भएकोले ठूलो दुर्घटना भने टरेको छ । यसअघि पनि विमानस्थलमा पटकपटक चराको ठक्करले विमानहरु क्षति पुर्‍याउँदै आएको छ ।

प्रतिकृया दिनुहोस