श्रीलंकाका राष्ट्रपति एवम् आगामी निर्वाचनमा राष्ट्रपति पदका उम्मेदवार महिन्दा राजापक्षको चुनावी कार्यक्रममा सहभागी हुन बलिउड अभिनेता सलमान खान अभिनेत्री ज्याक्लिन फर्नान्डेजसँगै श्रीलंका पुगेका छन् ।

श्रीलंकामै जन्मेकी बलिउड अभिनेत्री ज्याक्लिन फर्नान्डेज र अन्य पाँच कलाकारसँगै कोलोम्बो पुगेका सलमान खान राजापाक्षको समर्थनमा आयोजित निशुल्क स्वास्थय शिविरमा समेत सहभागी भएका छन् ।

सञ्चारमाध्यमहरुले मिस श्रीलंकासमेत रहिसकेकी ज्याक्लिन महिन्दा राजापाक्षका छोरा एवम् सांसद नामाल राजापाक्षकी साथी भएको उल्लेख गरेका छन् ।

गत १३ पुसमा मात्रै राजापाक्षको सहयोगी मुस्लिम दलले विपक्षी मैत्रीपाला श्रीसेनालाई समर्थन गर्ने घोषणा गरेपछि उनलाई अप्ठ्यारो परेको र मुसलमान मतदाताहरुलाई आकर्षित गर्न पनि सलमानलाई श्रीलंका बोलाइएको स्थानीय सञ्चारमाध्यमरुले उल्लेख गरेका छन् ।

२४ पुसमा श्रीलंकामा राष्ट्रपति पदका लागि निर्वाचन हुँदैछ । आफ्नो पार्टीको घट्दो लोकप्रियतालाई ध्यानमा राखेर राजापाक्षले दुई वर्षअघि नै राष्ट्रपतिको निर्वाचन गराउँदैछन् । स्थिति अरु विग्रनु भन्दा पहिले नै राजापक्षले निर्वाचन जित्न चाहेको बीबीसीले जनाएको छ ।

प्रतिकृया दिनुहोस