पत्रकारिता विषयमा स्नातकोत्तर तह अध्ययनरत र अध्ययन सम्पन्न गरेकालाई सरकारी निकायमा सूचना अधिकृत पदमा दरखास्त खुलाउन लोकसेवा आयोगलाई आग्रह गरिएको छ ।

केन्द्रीय पत्रकारिता विद्यार्थी समाजले आयोगका अध्यक्ष कयोदेवी यमीलाई चालु आर्थिक वर्षदेखि नै सूचना अधिकृत पद सिर्जना गरी दरखास्त माग गर्न आग्रह गर्र्दै ज्ञापनपत्र बुझाएका हुन् ।

अध्यक्ष यमीले सूचना अधिकृतको पद सिर्जना हुनुपर्ने आफूले पनि महसुस गरेको बताउँदै सामान्य प्रशासन मन्त्रालयले त्यसका लागि प्रक्रिया सुरु गर्नुपर्ने कानुनी प्रावधान रहेको बताइन् ।

सामान्य प्रशासन मन्त्रालयले पद सिर्जना गरी प्रक्रिया अगाडि बढाएमा आयोगका तर्फबाट पूर्ण सहयोग रहने उनले बताइन् । यमीले भनिन्, “पद सिर्जना भएपछि पाठ्यक्रम बनाउने र दरखास्त माग गर्ने काम मात्र आयोगको हो । पद सिर्जना गर्न समान्य प्रशासन मन्त्रालयलाई तपार्इंहरूले ध्यानाकर्षण गराउनुहोस् ।”

प्रतिकृया दिनुहोस