तस्वीरहरुः बिक्रम राई
विश्वका सातै महादेशका सर्वोच्च शिखर सफल आरोहण गरेको ‘सेभेन समीट वुमेन टीम’ स्वदेश आइपुगेको छ । अन्टार्टिकाको भिन्सन शिखर आरोहणसँगै सातै महादेशका अग्ला हिमाल आरोहण पूरा गरेको टोली २५ पुसमा स्वदेश आइपुगेको हो ।

सन् २००८ मा सगरमाथाको सफल आरोहणबाट शुरु भएको ‘सेभेन समीट वुमेन टीम’ ले २३ डिसेम्बर २०१४ मा अन्टार्टिकाको भिन्सन शिखर (४८९२ मीटर) को सफल आरोहण गरेको थियो । विश्वका सातै महादेशका सर्वोच्च शिखरहरु सफल आरोहण गर्ने यो पहिलो समावेशी महिला टोली हो ।

आरोहण सकेर स्वदेश फर्किएको टोलीको २५ पुसमा त्रिभुवन अन्तर्राष्ट्रिय विमानस्थलमा स्वागत भएको छ । टोलीमा शैली बस्नेत, आशाकुमारी सिंह, माया गुरुङ्ग, चुनु श्रेष्ठ, निम्डोमा शेर्पा, पूजन आचार्य र पेमादिकी शेर्पा छन् ।

यो टोलीले ‘शिक्षा, सशक्तिकरण तथा वातावरण’ को सन्देश लिएर अष्ट्रेलियाको कोजिअस्को ९२,२२६ मीटर०, युरोपको एल्ब्रुरस ९५,६४५०, अफ्रिकाको किलिमञ्जारो ९५,८९५०, दक्षिण अमेरिकाको अकन्कागुवा ९६,९३६० र उत्तर अमेरिकाको डेनाली ९४,६२९० हिमालको सफल आरोहण गरिसकेको छ।

प्रतिकृया दिनुहोस