विवादित विषयमा सहमति प्रयास चलिरहेको बेला एमाओवादीले संविधान जारी गर्नको लागि तोकिएको मिति सार्न प्रस्ताव गरेको छ । सिंहदरबारमा २८ पुसमा बसेको प्रमुख तीन दलको बैठकमा ८ माघको मिति सार्न प्रस्ताव आएको नेपाली कांग्रेसका उपसभापति रामचन्द्र पौडेलले बताए ।

बैठकबाट बाहिरिने क्रममा उनले मिति सार्ने प्रस्ताव आएको तर आफूहरु मिति सार्ने पक्षमा नरहेको बताए । उनले फेरि छलफल गरेर टुंगोमा पुग्ने बताए ।

सिंहदरबारमा बसेको बैठक भने बिना निष्कर्ष टुंगिएको छ । बैठकबाट बाहिरिने क्रममा एमाओवादी अध्यक्ष पुष्पकमल दाहालले बैठक सकारात्मक रहेको प्रतिक्रिया दिए ।

सहमति जुटाउनका लागि २८ पुस दिउँसो पुनः बैठक बस्ने नेताहरुले बताएका छन् ।

प्रतिकृया दिनुहोस