थप समाचारसोमबार, पौष २८, २०७१
बन्दविरुद्ध डडेल्धुरामा सर्वसाधारणको प्रतिकार
–छत्र साउद, डडेल्धुरा
एमाओवादीसहितका तीस दलीय मोर्चाले आह्वान गरेको बन्दविरुद्ध डडेल्धुरामा सर्वसाधारणले प्रतिकार गरेका छन् । सर्वसाधारणको प्रतिकारपछि डडेल्धुरा सदरमुकाममा बन्द खुलेको छ ।
डडेल्धुराको मुख्य बजार बागबजारसहित तुफानडाँडा, खलंगा, किर्तिपुरमा स्थानीयबासिन्दा र व्यापारीले प्रतिकार गरेका थिए । मोर्चासम्बद्ध नेता–कार्यकर्ताले जबर्जस्ती बजार बन्द गराउन खोजेपछि स्थानीयबासिन्दा र व्यापारीले नारा जुलुससहित प्रतिकार गरेका हुन् ।
प्रतिकारपछि बन्दकर्ताहरु भागेका छन् । स्थानीय प्रतिकारपछि तनाब हुने आशंकामा स्थानीय प्रशासनले सदरमुकाममा कडा सुरक्षा व्यवस्था मिलाएको छ ।
सर्वसाधारणले ‘बन्द गर्न पाइँदैन, व्यवसाय गरेर बाँच्न देउ’ भन्ने नारा लगाएका थिए । बजार बन्द खुले पनि लामो दुरीका यातायात भने अझै चलेका छैनन् ।