थप समाचारमंगलबार, पौष २९, २०७१
दुर्घटनामा परेको विमानको भ्वाइस रिकर्डर भेटियो
जाभा समुद्रम दुर्घटना भएको एयर एशियाको विमान क्यूजेड ८५०१ को भ्वाइसरेकर्डर भेट्टिएको छ ।
फ्लाईट डेटा रिकर्डर (ब्ल्याक बक्स) भेटिएको एक दिनपछि गोताखोरहरुले ककपिटको भ्वाइस रिकर्डर समुद्रको पिंधमा भेटाएका हुन् ।
गत २८ डिसेम्बरमा १६२ यात्रु बोकेर इन्डोनेशियाबाट सिंगापुर जाँदै गरेको विमान दुर्घटना भई जाभा समुद्रमा खसेको थियो ।
ब्ल्याक बक्स र भ्वाइस रिकर्डरबाट विमान दुर्घटनाको कारण पत्ता लगाउन सहयोग पुग्ने छ ।
अहिलेसम्म समुद्रबाट ४८ शव निकालिसकिएको छ । बाँकी शवहरु दुर्घटनाग्रस्त विमानका टुक्राटाक्रीमा च्यापिएको आशंका गरिएको छ ।
भेटिएको ब्ल्याक बक्स र भ्वाइस रिकर्डरलाई इन्डोनेशियाको जाकर्ता लगिएको छ, त्यहाँ उड्डयन विशेषज्ञहरुले यसको निरीक्षण गर्नेछन् ।